حل علينا ضيف في هذا المنتدى اسمه هاب الريح
كان قد عاصر البداوه واهلها ثم ذهب خارج المملكة ما ادري وش عنده بس الوكاد انه في شغل رسمي
وجا السعودية بعد غياب سنين وسجل معنا بالمنتدى البرية
واول ماطرح طرح موضوع يطلب فيه ان يعود للبداوه زي اول
وهذا موضوعه يقول نبي نرجع بدو
http://www.albreah.com/vb/t4084.html
رديت عليه بصور عن البدو ووعدته اني اكتب موضوع عن البدو ابي يبكي وينوح نوح الورقى على ايام اول

هذا الموضوع من جمعي وأعدادي جلست اجمع فيه اسبوعين كامله وكتبته حصري للبريه
واشكر الدعم الفني شكر جزيل على تجهيز الصور ومساعدتي

البداوه مرجله .. البداوه نخوه وشهامه .. كنا بدو نرقد من بعد ما نصلي العشا .. ونصحا من قبل الفجر .. نشب الضو ونولم القهوه .. وانصلي الفجر ثم نصطبح .. ثم نلحق ورى البل والغنم .. ثم جاء جلالة الملك عبدالعزيز ال سعود وجمع شتاتنا ووحد صفنا تحت راية التوحيد .. لااله الا الله محمد رسول الله .. وجو أجدادي وأجداد كل بدوي اصيل وقربنا من المدن وسعو الدوله بذاك الوقت الى ان يصير كل بدوي حظري .. وبالفعل صار ماصار .. وألان نبكي البداوه .. ونبحث عنها مثل مابحث عنها هاب الريح الآن .. هاب الريح بتشوف الصور وممكن تهل الدمعه .. على تاريخ راح علينا .. وصرنا من بعده حظر .. لكن نحمد الله انا تعلمنا وصرنا فاهمين .. لكن البداوه عشقي وعشق كل بدوي اصيل ..



























































صبر شوي ياجماعه بقي صور