منتديات مضايف بلدة الغبره - عرض مشاركة واحدة

20th December 2010

شاعر وشاعره جمعهم النصيب وتزوجوا ..

وكان بينهم اتفاق تكون ليلة العرس مختلفه وغير تقليديه ، وان كل منهم يقول

ابيات شعر ارتجاليه وقت وجودهم على الكوشه ..

وبطريقة المحاوره ..

دخل العريس على عروسه واهي تنتظره على الكوشه ..

وبدا ينفذ الاتفاق .. واول شي رحب بالحاضرات وقال :

مرحبــا ضيفاتنا .. فالفـرح نوّر

ياهلا ويامسهلا بالحاضراتي

ارقصن غنن ولابي منكن اكثر

انفضن سمر الجدايل مايلاتي

الفرح بوجودكن .. يزها ويفخر

دامـه الله نعمـةٍ يالغـاليـاتي

وبعد هالابيات ..

رحب العريس بعروسه وقال :

الفرح فرحين وانتي الفرح الأكبر

ياهلا بك ياعروسي يـا مناتي

قبلة الترحيب ، هاتي الخد الايسر

الشنب يخدش خدود موّرداتي

ربي جمّعنا .. وقــول الله أكبـر

شاعـرٍ مع شاعـرة باحلى غناتي

وجا دور العروس الشاعره ..

وردت على عريسها وقالت :

ياهلا بك واحترم نفسـك تـوّدر

وانثبر ساكت ولا تشوف ..البناتـي

فارغٍ قلبك مثـل ذيـبٍ تحدّر

يلغف الخرفان في صمت وسكاتي

لا تفكر يعرفن بالشِعْـر الأحمـر

ما يبن شعرك .. بنـاتٍ عاقلاتي

ويلتفت العريس على عروسه

وابياتها القويه ويرد :

ياشينها من ليلةٍ يالوجـه الاقشـر

اعقلي يابنت .. خوف من الشماتي

اضحكي قدامهن لو ضحكٍ اصفـر

ولا تفردّنا .. تشوفي الطايلاتي

وين عقلك بالشعـر .. راح وتنكـر

وين كلمة حـب .. ويـن المفـرداتي

فترد عليه العروس :

تحسبن العرس يالانثـى المذكر

مثل شعرك هرج .. صف القافيتي

العرس ... تدخل بعالم مثل تِقبـر

ما مضى تنساه تحيا كالرفاتي

المْـــرَهْ بالعنـق .. والاولاد تكبر

والعوافي تعقبك فـي كـل آتي

العريس شاف السالفه بتخرب من اولها ،

وعروسه بدت تشكي من اول ليله ..

فحب يسثيرها وقال واهو يوصف البنات

الحاضرات وام العروس :

شوفي اللي لابسه فستـانٍ اخضـر

كنهـا لولـب برقـص المبدعاتي

وشوفي امك كنهـا كيـسٍ مخصّّر

وفرقـي بيـن العجايـز والبناتي

وشوفي المزيون راع الشعر الاشقر

واهني الرجل فـي ريـم الفلاتي

وهنا العروس طقت عروقها ..

وشالت الكلافه بينهم .. وردت عليه :

لعنبـو اصـلك تــرى لـو مـا تـدّبـر

وتستحي يالشين تقعد في ثباتي

لاصفقك كفين .. اعذر من قد انذر

واتركك وحدك وهـج بـلا عباتي

منت رجّـال .. ولـكن ثورٍٍ ازعــر

لا حيا .. لا سمت من كل الجهاتي

وتوقف العروس .. وتصيح بعريسه

ا تطلب انه يقوم ويروحون :

هيّا قم .. قامت عصبك ولا تأخـر

ناويه أعطيك درسٍ في الصفاتي

ويرد العريس .. يمازح عروسته :

ماني قايم .. روحي لوحدك ولا اكثر

خايفٍ منك تجيبي لـي حماتـي

ويقومون الاثنين وينزلون من الكوشه ..

والعروس تهمس في اذن عريسها :

شخّص ببشتك وراسك فوق اكثر

ودنق عيونك .. ومشيك في ثباتي

وامسك بيدي .. وتبسـم ولا تنثّـر

ومن قرب حولك تردد .. "ياحياتي "

فير د العريس بشويش :

من سمع هرجك .. يقول ولا تحذّر

ضبي شارد ما خذه ضبٍ نباتي

جعل منتي ذيك اُم الشعر الاشقر

لا .. وتتشرط علي وجه الدباتي

وتقفل مع العروس وتشين الاخلاق

وتمسك نفسها لين وصلوا شقتهم

ثم قالت :

شف ترى مابي مشاكل أو كدر

خلنا نِمْرحْ .. قبل وقت الفواتي

هدني الارهاق ولا احتاج السهر

وابو الشباب يرد عليها .. :

مايصير .. اللي تقولي من عذر

وش اقول لهم ..تلحفت بعباتي!

والعروس تضيق بهالفسيحه .. وتقول :

لا تطوّلهـا ... وفـكر بـالامـر

وش دخلهم .. فــزواج الشاعراتي

وان رفضت ارميك في هذا الممر

واقفل الغرفه وطوّل في سباتي

وكما جرت عليه العاده ..

يخضع العريس لرغبة عروسه ..

ويتلحف ببشته وينام بالصالة

وبالتوفيق للجميع

شاعر وشاعره جمعهم النصيب وتزوجوا

المصدر: منتديات مضايف بلدة الغبره

ahuv ,ahuvi [liul hgkwdf ,j.,[,h