منتديات مضايف بلدة الغبره - الفرق بين الحامل الاجنبيه والحامل الخليجيه

منتديات مضايف بلدة الغبره (http://www.ghebra.com/vb/index.php)

- مجلس الضحك والوناسه (http://www.ghebra.com/vb/forumdisplay.php?f=49)

الفرق بين الحامل الاجنبيه والحامل الخليجيه

الحامل الأجنبية :

الكل يعرف إنها حملت من أول ما تحلل عند الطبيب

وبعد فتره لما تقولها صاحبتها: ألف مبروك حبيبتي

إنتي بأي شهر ...؟؟

تقول أنا بالرابع وحجيب ولد و راح اسميه جون ..

وتولد وكل صاحباتها يزورونها و يسألوها عن الولادة

تقول: لا اطمنوا أخذت إبرة ظهر وكانت ولادة سهله ..

تطلع من المستشفى وترتاح كم يوم و تأكل أكل صحي ..

وبعدين ترجع لحياتها الطبيعية ودوامها ..

نجي لأخواتنا الخليجيات الله يحرسهم :

طبعا محد يعرف إنها حامل إلا لما يكبر البطن ..

وتحاول تلبس
وسيع عشان توصل للسادس مادروا عنها

ولما يسألوها بأي شهر ؟؟
تقول : و الله مدري أنا حاسبه

والدكتوره حاسبه والله أعلم مين الصح ..

و إذا سألوها وش بتجيبين ؟؟
تقول: مسكر رجوله الله يصلحه

مايبين ..

طيب وش ودك يجيك ؟؟
ترد: اللي يجي من الله حياه الله

طيب وش تقضيتي أي لون ؟؟
تقول: لون محايد ..

وفي الشهر التاسع لما يسألونها .. وش بتجيبين ؟؟
ترد: اللي من الله حياه الله

اللي عندي رافض إني أسأل يبيها مفاجأة >>> ايه هين ..

طيب من اللي

عندك ؟؟ ابوك و إلا أخوك .. وإلا السواق مثلا .. ماله اسم اللي
عندك ..

و بعد الولادة إذا سألوها .. هاه تعبتي ؟؟

تقول: بغيت أمووووووووووووووت .....

وتطلع عند أهلها شهر نفاس وحلبه و مره و كل شي مخيس عند العطار بتآكله ..
و شهر فيها ضيقه .. وشهر تتصنفر

وتتزين ..

ولما تطلع من النفاس .. ولدها تعبان و فيه صفار ..

وهي اللهم يا كافي لاعبه بعمرها .. الشعر الأصفر والعدسات الرمادي وقصة الأناناس .....

تحياتي