المساعد الشخصي الرقمي

مشاهدة النسخة كاملة : بعض قصائد الهامه


آبوزياد
11-09-10, 04:09 PM
الهامة
الله على يوم به الحق بان
بليلة بها أسود الوجه ينشاف
بانت رديتهن وعفن الرجال
شرقي شعيب المانعي غرب السلاف
نخيت عبده يوم ربي هداني
وطعنت عي القوم وراح معتاف
ما هي حكايا واحد مسرداني
لعيون من حطت على الخد مرجاف

الهامة
يا راكبا من فوق حر البعارين
بالخيزرانه راعيه قام يجداه
يا بكرتي وسط المتيوت تدورين
شوفي لي الغالي من الشين وشجاه

الهامة
يا راكب اللي صوروه الأجانيب
أدهم جناحة مثل رف القطاة
ليل خضع يقطع فياضا عباعيب
يوصل كلامي بالقلم والدواة
شيبان من دور الجهل منقع الطيب
فتش عبوبك عن مضارب هواتي
يابن صميدع لا تطيع الكواذيب
صقر الضحا خلوه قبل البياتي
مرنة الزرفات من فوقهن شيب
يدعون خيلك بالمراجب شتات
ما حنا فريج خوفته الطباطيب
وعيال الأبرز للموازم ثبات
لحج أخو سعدة حصان المطاليب
يصرخ عليهم مثل فرخ الزناتي
كثر العشا جوعان با منوة الذيب
وغنمت الرعيان من فروة وعباة
ويا عين من دون المتيوت تنامين
جعل رمدها بالعجل دوم تلقاه
يا خال اسري ولا تقول السرى شين
يا خال اسري ترى الشي موزاه
ووجوه شيوخنا كالمجارين
ردوا وخلوا واحد فيه مقفاه

الهامة
ياراكب اللي لا تليش ولا شين
يعجل قرانيص القطا من طياره
ما عاوز لشجع الرسن والمحاجين
يلفي على اللي ما طفت دوم ناره
قله كرامة بكيتك بالفراجين
مرحوم ياشيخ خذينا بثاره
يمكلف الخباز هو والسكاكين
يا شيخ يااللي نازلا بالعشارة
عقيدات ما معهم خليطي ولا شين
ما هابوا الرشاش لويش ناره
الي وقع بنحورهم وقع تسعين
والدم بالمجرود مثل الغدارة
والسيخ والهندوس راحوا مجفين
راحوا طرايد ما نفع زود ناره
مليشان وأسود شوق من تدعج العين
لولا البحر كان شنوا على الكفر غارة
تلاوحوا بظهورهن السراحين
وبأيمانهم شغل العجم والنصارة
وعبود ياقاضب توالي المجفين
يا شوق من لبست خزارة وحمارة
ربعي هل السوسة على الموت جسرين
مثل الغضنفر لو تطاير شرارة

عبد العزيز الهامة
غزيت أنا يا عبيد بهلال عاشور
بأول سفر والتوم كله تمام
بالقيض فوق ظهورهن تقل ناطور
قيضت أنا ما شفت زرقا وشام
لولا خذينا مطلق عاصي الشور
هذيك هي اللي عليها السنامي
مير اصطفن يم الكبيسي وابا الهور
ونوخ مناخ معجلين الجهام
ذكروا لنا يا عبيد شلخان وصقور
غربي شعيب عكاش هاك الزوام
ودكيت أنا يا عبيد مع فجة النور
كما يدك الذيب وفرخ القطام
ويا ما حلا المسواق وان صار عاثور
من فوق شقح مثل روج النعام
ولحجت مهديت الطلب بكل مسطور
بضبح يطوحن والضرايب شمام

محاورة بين الهامة وصياح العبد الله

الهامة
يا راكبا زينة الممشى
حمرا من الروم ناجيها
ليا روحت يم أهل عمشة
من غالي الجوخ مكسيها
وحراب ربعي لفت عطشى
وحسنة من الدم مرويها

رد صياح العبد الله
حراب ربعك عسى تطشى
ما طال بس أنت مرويها
ويا مال رصاصة حرشى
حمراك تجلب نضاويها
وليا سيرت يم أهل عمشة
حفيانة ما انت محذيها

من الحداء للهامة
يا مهرتي خبي خبيب
الذل ما يطري عليك
ما طول أخو هدلة حريب
الغوج ما ينزي عليك

الهامة في هجيني
بيع الفرس واترك الذيدان
بدويرة واكسب الراحة
حسرات ما طبها النجيمان
ولا داسها الروم بسلاحه

ولكم الشكر محبكم دوما f2

ابن عبد الخليل
16-09-10, 11:29 AM
مشكووور ياخال على هذه الكلمات

الله يعطيك ألف عافية

لازم تضل قصائد الهامة مذكورة بيننا

أبو طلال

هلالي موت
05-10-10, 08:28 AM
f2


مشكور عطاك الف عافيه

تقبل مروري

الزير سالم
23-11-10, 04:40 PM
اشكر موضوعك الجميل


تقبل مروري


اخوك الزير سالم